Жиззахда янги олтин кони топилгани ростми?
Жамият
−
02 Май 2023 25324 1 дақиқа
Ижтимоий тармоқларда Жиззах вилояти Ғаллаорол туманида олтин кони топилгани ҳақида хабарлар тарқалди. Хабарларда янги топилган кон давлат балансига олингани ва 175 тонналик захирага эгалиги айтилганди. Тоғ-кон саноати ва геология вазирлиги ушбу хабарларни рад этди.
Маълум қилинишича, Ғаллаоролнинг Жанубий Нурота тоғларининг шарқий тармоғидаги Маржонбулоқ қирларида янги олтин кони топилгани хақида хабарлар ҳақиқатга мос келмайди.
Вазирлик аҳоли ўртасида ёлғон ахборот тарқатганлик учун жавобгарлик мавжудлигини эслатиб ўтган.
Маълумот учун, 2022 йилнинг апрель ойида Навоий вилоятининг Томди тумани ҳудудидаги Мурунтов конида 40 млн тоннадан ортиқ олтинга бой маъдан захирасига эга “Балпантоғ” ва “Томдибулоқ” конлари очилганди. Ундан қарийб 15 йил давомида йилига 3 млн тоннадан ортиқ руда қазиб олиш режалаштирилган.
Live
Барчаси
