Жиззахда фермер 4,7 млрд сўмлик “свет”ни талон-торож қилди
Олам
−
14 Май 3228
Жиззах вилоятининг Шароф Рашидов туманида фермер хўжалиги раҳбари 4 млрд 739 млн сўмлик электр энергиясини талон-торож қилди. Бу ҳақда Бош прокуратура хабар берди.
Маълум қилинишича, туманда жойлашган “А.Э.Ж.” фермер хўжалиги раҳбари А.С. қуввати 60 кВт бўлган 8 та сув насосларини электр ҳисоблагичдан ташқари улаши оқибатида дастлабки ҳисоб-китобларга кўра, 4 млрд 739 млн сўмлик электр энергияси талон-торож қилингани аниқланган.
Билдирилишича, мазкур ҳолат юзасидан терговга қадар текширув ҳаракатлари олиб борилмоқда.
Эслатиб ўтамиз, кеча, 13 май куни 301 та энергоресурсларни йўқотиш ҳолатлари ҳамда 481 та ҳолатда 3 млрд сўмлик талон-торож қилиш ҳолатлари аниқлангани ҳақида хабар берилган эди.
Live
Барчаси
