Жаҳон соғлиқни сақлаш ташкилоти барчани дарҳол эмланишга чақирди

Саломатлик

−

09 Октябрь 2023 visibility26696

Жаҳон соғлиқни сақлаш ташкилоти (ЖССТ) вирус ва мавсумий гриппдан ҳимояланмаган барчани, айниқса, хавф гуруҳидаги одамларни зудлик билан эмланишга чақирди. Бу COVID-19 таҳдиди туфайли юзага келмоқда, деб хабар бермоқда ташкилот матбуот хизмати.

"COVID-19 ва мавсумий гриппдан ҳимояланмаган одамлар, айниқса, энг заиф ва хавф остида бўлганлар, эмлаш бўйича ҳар қандай таклифни қабул қилишлари керак", деб таъкидланган хабарда.

Ташкилотнинг қўшимча қилишича, эмлаш ҳар доим долзарб бўлиб қолади. У вирусли инфекцияларнинг олдини олиш ва оқибатларини камайтириш учун касалланишнинг энг юқори мавсумларида зарур тиббий амалиёт ҳисобланади.

Эслатиб ўтамиз, физиология ёки тиббиёт бўйича 2023 йилги Нобель мукофотини венгриялик Каталин Карико ва америкалик Дрю Вайсман олди. Улар COVID-19 га қарши самарали мРНК вакциналарини яратишга олиб келган кашфиётлари учун мукофотни қўлга киритди.

Мақола муаллифи