Жаҳон чемпионини Саудиянинг икки клуби ўз сафига қўшиб олмоқчи

Спорт

−

11 июл 2023 visibility3566 timer1 дақиқа

Италиянинг “Ювентус” клуби Пол Погбани 10 миллион евро эвазига қўйиб юборишга тайёр. Бу ҳақда “La Gazzetta dello Sport” хабар берди.

Манбага кўра, Саудия Арабистонининг “Ал-Иттиҳод” клуби франциялик ярим ҳимоячига 100 миллион евро ва бонуслар эвазига 3 йиллик шартнома таклиф қилган. Шунингдек, футболчи Саудиянинг яна бир клуби “Ал-Аҳли”дан таклиф олган.

Футболчи эса ҳали “Ювентус”ни тарк этиш-этмаслиги борасида бир қарорга келгани йўқ.

Погба ўтган ёзда “Ювентус”га эркин агент сифатида келиб қўшилганди. У ўтган мавсумнинг жуда катта қисмини жароҳати сабаб ўтказиб юборди. 30 ёшли футболчи ортда қолган мавсум “кекса сеньора” сафида умумий 10 та баҳсда майдонга тушиб, 1 та голли узатмани амалга оширди.

Погбанинг “Ювентус” билан амалдаги шартномаси 2026 йилга қадар мўлжалланган. “Transfermarkt”га кўра, унинг қиймати 15 миллион еврони ташкил этади.

Мақола муаллифи