Yilning eng yaxshi murabbiyi bo‘lish uchun nomzodlar e’lon qilindi

Yakuniga yetayotgan 2025 yilning eng yaxshi murabbiyi bo‘lish uchun nomzodlar e’lon qilindi. Ro‘yxatda 5 nafar mutaxassis nomi qayd etilgan. Bu haqda O‘FA xabar berdi.

Ushbu ro‘yxatda O‘zbekiston milliy terma jamoasi bilan tarixida ilk bor Jahon chempionati yo‘llanmasini qo‘lga kiritgan Temur Kapadze, Toshkentning “Paxtakor” jamoasi bilan mavsumda O‘zbekiston kubogini qo‘lga kiritgan Kamoliddin Tojiyev. O‘zbekiston o‘smirlar terma jamoasi bilan Osiyo U-17 kubogida g‘olib bo‘lgan Islombek Ismoilov, “Bunyodkor” jamoasining bosh murabbiyi Ilyos Zaytullayev va Samarqandning “Dinamo” jamoasi ustozi Vadim Abramovlar o‘rin egallagan.

Ushbu besh murabbiydan biri 2025 yilning eng yaxshi murabbiyi bo‘ladi.

Eslatib o‘tamiz, avvalroq Farg‘onaning “Neftchi” jamoasi  sobiq bosh murabbiyi Vitaliy Levchenko O‘zbekiston Superligasida ortda qolgan mavsumning “Yilning eng yaxshi murabbiyi” deb topilgan edi.