Елизавета II нинг жасади Эдинбургга олиб кетилди

Олам 11315
image

Буюк Британия Қироличаси Елизавета II жасади бугун, 11 сентябрь куни у вафот этган Балморал қалъасидан Шотландия пойтахти Эдинбургга олиб кетилди. 

Дафн кортежи Эдинбургдаги Ҳолйроод саройигача бўлган 170 километрлик йўлни босиб ўтади. 

Умуман олганда, Эдинбургдаги саройгача бўлган масофа олти соат давом этади. 

Одамлар бир неча соатдан сўнг қўлларида гуллар билан йўл бўйлаб ўз жойларини эгаллаб, Зоти Олияларига ҳурмат бажо келтиришди. 

Етти машинадан иборат дафн кортежи бир нечта жойлардан, жумладан Абердин ва Дандидан ўтади. Кортежга қироличанинг ягона қизи малика Анна ҳамроҳлик қилади. 

Қиролича Елизавета II жасади солинган тобут 13 сентябрь куни Лондонга етказилади ва дафн маросими 19 сентябрь куни Вестминстер аббатлигида бўлиб ўтади. 

Қиролича Елизавета II 8 сентябрь куни 96 ёшида Шотландиядаги Балморал қасрида вафот этди. 

Қиролича шахсининг соғлиғи билан боғлиқ муаммолар ўтган йили маълум бўлди. Кейин қироллик шифокорлари қиролича Елизавета II нинг баъзи "ҳаракатчанлиги билан боғлиқ қийинчиликлар" ҳақида гапиришди. Унинг ўзи халқ олдига ҳасса билан чиқди. 

Қиролича июн ойи бошида тахтга ўтирганининг 70 йиллиги тантаналарида кам иштирок этди ва 2022 йил июль ойида Елизавета II Бирмингемдаги Ҳамдўстлик ўйинларининг очилиш маросимида режалаштирилган иштирокини бекор қилди.  

Елизавета II 1926 йилда Йорк герцоги ва герцогинаси оиласида туғилган. У 1952 йилда отаси Жорж VI вафотидан кейин тахтга ўтирди. У Британия тарихида энг узоқ ҳукмронлик қилган монарх.

Qalampir.uz Tahririyati
Мақолага баҳо беринг
Баҳолаганлар: 391
Рейтинг: 3.1
Теглар
t
×