Яманда теракт содир бўлди

Яман пойтахти Сано шаҳрида йўловчи автобусига уюштирилган теракт оқибатида 4 киши ҳалок бўлди. Бу ҳақда Эронпараст шиаларнинг “Ансоруллоҳ” ҳаракати вакили Абдулхолик ал-Ажрий маълум қилди.

Унинг сўзларига кўра, “Ансоруллоҳ” террор ҳужуми тайёрланаётгани ҳақида хабарларни эшитгач, ДEАШ террор ташкилотининг икки жангариси ортидан жосуслик қила бошлаган. Кузатувдагилардан бири ал-Ажрий буни пайқаб, йўловчи автобусида қочиб кетган, шундан сўнг у ўзини портлатиб юборган.

Қайд этишича, портлаш оқибатида икки жангчи ва икки тинч фуқаро ҳалок бўлган.

Маълумот учун, 2014 йилдан бери Яманда қуролли тўқнашувлар давом этмоқда, унда бир томондан “Ансоруллоҳ” шиа ҳаракати исёнчилари ва Яманнинг ағдарилган президенти Али Абдуллоҳ Солиҳ тарафдорлари, бошқа томондан эса, амалдаги ҳукуматга ва Президент Абдураббу Мансур Ҳодийга содиқ қўшинлар иштирок этмоқда. Мамлакат пойтахти Сано шаҳри ва бошқа қатор ҳудудлар “Ансоруллоҳ” томонидан  назорат қилинмоқда.

Эслатиб ўтамиз, олдинроқ International SOS компанияси Яманни 2023 йилда ташриф буюриш учун энг хавфли мамлакатлар қаторига киритган эди.