Whatsapp янги функциясини эълон қилди
Технология
−
24 Март 2023 11532
Whatsapp мессенжери видеохабар жўнатиш имкониятига эга бўлади. Бу ҳақда “WABetaInfo” портали хабар берди.
Қайд этилишича, энди мессенжер фойдаланувчилари 60 сониягача бўлган қисқа видеохабарларни ёзиб олишлари ва юборишлари мумкин бўлади.
Бу хабарлар шифрлаш орқали ҳимояланади, яъни ҳеч ким, жумладан, интернет-провайдер ва Whatsapp ходимлари ҳам бу маълумотлардан фойдалана олмайди.
Ҳозирча янгилик iOS қурилмалари учун мессенжернинг 23.6.0.73 бета-версиясида мавжуд. У кенг доирадаги фойдаланувчилар учун қачон ишга туширилиши номаълум.
Эслатиб ўтамиз, аввалроқ Whatsapp мессенжери фойдаланувчиларга суратларни асл сифатда юбориш функциясини тақдим этганди.
Live
Барчаси
