Велоспорт: Осиё чемпионатида ўзбекистонлик аёллар тенгсиз бўлди
Спорт
−
10 Июнь 2023 2435
Таиландда бўлиб ўтаётган велоспортнинг шоссе йўналиши бўйича Осиё чемпионатида ўзбекистонлик аёллар иккита олтин ва битта бронза медалини қўлга киритди. Бу ҳақда Ёшлар сиёсати ва спорт вазирлиги Ахборот хизмати хабар берди.
Ўзбекистон номидан иштирок этган спортчилар 23 ёшгача бўлган аёллар ўртасида индивидуал вақт пойгаси йўналишида 2 та биринчи ва 1 та учинчи ўринни эгаллади.
Париж-2024 Олимпия ўйинларига муҳим рейтинг очколарини берувчи мазкур мусобақада Ольга Забелинская ҳамда Янина Кускова олтин медалини қўлга киритган бўлса, Евгения Голотина учинчи ўрин билан бронза медалига эга чиқди.
Муҳсинжон Умурзоқов
