“Вагнер” Бахмутдан орқага чекинди – ISW

“Вагнер” гуруҳининг ёлланма аскарлари Украинанинг Бахмут шаҳридан чекинди. Бу ҳақда Америка урушни ўрганиш институти (ISW) томонидан эълон қилинган харитада келтирилган.

Украина ҳарбийларининг хабар беришича, Россиянинг ҳужум операциялари Бахмут йўналишида иккита отишмага қадар кескин қисқартирилган. Украина Мудофаа вазири ўринбосари Анна Маляр бу камайишни Россия жойида ёрдам кўрсатгани ва ҳудудда кучларни қайта тўплагани билан изоҳлаган.

27 май куни Украина Бош штабининг маълум қилишича, рус қўшинлари Хромоводан ғарбга ва Предтечино (Бахмутдан 15 км жануби-ғарбда) томон муваффақиятсиз ҳужум операцияларини ўтказган.

Малярнинг таъкидлашича, Украина кучлари Бахмутнинг шимолида ва жанубида ҳукмрон баланд ерларни ушлаб турган ва Украина кучлари бошқа аниқланмаган вазифаларни бажариш учун 26 ва 27 май кунлари ҳарбий ҳаракатларни тўхтатган.

Шунингдек, у Украина кучлари Бахмут шаҳрининг жануби-ғарбий чеккаларидаги позицияларни назорат қилишда давом этаётганини айтган.

Украина Миллий хавфсизлик ва мудофаа кенгаши котиби Алексей Даниловга кўра, “Вагнер” ёлланма аскарлари Бахмут шаҳридан чиқиб кетиб, яна учта жойда тўпланмоқда.

Эслатиб ўтамиз, аввалроқ “Вагнер” хусусий ҳарбий компанияси раҳбари Евгений Пригожин 224 кунлик ҳужум операциясидан кейин Бахмут тўлиқ назоратга олинганини айтгани ҳақида хабар берган эдик. Орадан кўп вақт ўтмай Украина Қуролли кучлари Пригожиннинг ушбу даъвосини рад этиб чиқди.