Ўзини 3-қаватдан ташлаган 11-синф ўқувчиси бўйича маълумот берилди

3-саҳифа

−

14 Апрель 2023 visibility21055 timer1 дақиқа

Аввалроқ Тошкент шаҳридаги мактаблардан бирида 11-синф ўқувчиси ўзини учинчи қаватдан пастга ташлагани ҳақида хабар берилганди. Ҳолат юзасидан шаҳар Мактабгача ва мактаб таълими бошқармаси маълумот берди.

Келтирилишича, мазкур воқеа бугун, 14 апрель куни тахминан соат 10:15 ларда Бектемир туманидаги 289-сонли умумтаълим мактабида содир бўлган. Катта танаффус чоғида 11-синф ўқувчиси С.А. мактабнинг ички бино қисми 3-қавати ойнасидан ташқарига қараганида ўз мувозанатини йўқотган ва пастга тушиб кетган.

Шундан сўнг, ўқувчилар бу ҳақда мактаб маъмуриятини хабардор қилган. Мактаб ҳамшираси ўқувчи С.А.га биринчи тиббий ёрдам кўрсатган, сўнгра у шифохонага етказилган. Айни пайтда С.А.нинг саломатлиги яхши ва жароҳат олмаган.

Ҳозирда ҳолат юзасидан ўрганиш ишлари олиб борилмоқда.

Мақола муаллифи