“Ўзимни жоҳилдек ҳис қилдим”. Месси энг катта афсусини айтди

“Интер Майами” клуби ва Аргентина терма жамоаси ҳужумчиси Лионель Месси инглиз тилини ўрганмаганидан афсусда эканлигини тан олди. Бу ҳақда Месси “Miro de Atrá” деб номланган подкаст интервьюсида сўз очди.

“Болалигимда инглиз тилини ўрганмаганман. Ҳеч бўлмаганда уни ўрганишга вақтим бўлган эди, лекин ўрганмадим ва бундан жуда афсусдаман. Кейинчалик, мен ажойиб инсонлар билан мулоқот қиладиган вазиятларга тушиб қолдим, улар билан суҳбатлашишим мумкин эди, аммо бунинг ўрнига ўзимни жоҳилдек ҳис қилдим”, дейди Месси подкастда.

Маълумот учун, Месси “Барcелона” клуби тарбияланувчиси ҳисобланади. У 2003 йилдан 2021 йилгача асосий жамоада ўйнади, шу даврда 835 та ўйинда майдонга тушиб, 709 та гол урди. Месси “Барселона” билан тўрт марта Чемпионлар лигаси ғолиби бўлган, 2022 йилда Аргентина билан Жаҳон чемпионлигини қўлга киритди. Шунингдек у икки марта Копа Америкада ғолиб бўлган ва саккиз марта “Олтин тўп” совринини қўлга киритган.

Месси “Барселона” билан жами 35 та, Аргентина терма жамоаси билан олтита, ПСЖ ва “Интер Майами” билан учтадан соврин қўлга киритган ва футбол тарихидаги энг кўп кубок ютган футболчи ҳисобланади.