Ўзбекистонликлар асосан қайси соҳаларда ишлаяпти?

Ўзбекистонда банд аҳоли асосан қишлоқ, ўрмон ва балиқ хўжалиги соҳаларида ишлаяпти. Бу ҳақда Миллий статистика қўмитаси хабар берди.

Маълумотларга кўра, банд аҳоли сони иқтисодий фаолият турлари кесимида қуйидагича тақсимланган:

• Қишлоқ, ўрмон ва балиқ хўжалиги – 3 132,6 минг киши;
• Ишлаб чиқариш саноати – 1 699,6 минг киши;
• Улгуржи ва чакана савдо – 1 507,9 минг киши;
• Қурилиш – 1 450,5 минг киши;
• Таълим – 1 367,6 минг киши;
• Соғлиқни сақлаш ва ижтимоий хизматлар кўрсатиш – 719,4 минг киши;
• Давлат бошқаруви ва мудофаа; мажбурий ижтимоий таъминот – 637,0 минг киши;
• Ташиш ва сақлаш – 584,6 минг киши;
• Яшаш ва овқатланиш бўйича хизматлар – 389,5 минг киши;
• Профессионал, илмий ва техник фаолият — 152,6 минг киши;
• Бошқариш бўйича фаолият ва ёрдамчи хизматлар кўрсатиш — 114,2 минг киши;
• Ахборот ва алоқа – 108,8 минг киши;
• Молиявий ва суғурта фаолияти – 82,9 минг киши;
• Электр, газ, буғ билан таъминлаш ва ҳавони кондициялаш – 70,7 минг киши;
• Кўчмас мулк билан операциялар – 67,8 минг киши;
• Санъат, кўнгил очиш ва дам олиш – 66,9 минг киши;
• Тоғ-кон саноати ва очиқ конларни ишлаш – 66,7 минг киши;
• Сув билан таъминлаш; канализация тизими, чиқиндиларни йиғиш ва утилизация қилиш – 52,8 минг киши;
• Бошқа турдаги хизматлар кўрсатиш – 2 661,8 минг киши.

Маълумот учун, Миллий статистика қўмитаси маълумотларига кўра, 2026 йил 1 апрель ҳолатига Ўзбекистоннинг доимий аҳолиси сони 38 382 685 кишини ташкил этган.