Ўзбекистонга коронавирус беморлари учун махсус автомобиллар олиб келинди

Жамият

−

07 июл 2020 visibility14103 timer1 дақиқа

Ўзбекистонга коронавирус билан оғриган беморларни траспортировка қилиш учун 15 та махсус реанимобиллар олиб келинди. Бу ҳақда Соғлиқни сақлаш вазирлиги хабар бермоқда.

Келтирилган янги махсус реанимобиллар беморларни транспортировка қилиш соҳасидаги камчиликларни тўлиқ бартараф қилишда муҳим омил бўлиши айтилмоқда.

Ушбу реанимобиллар дефибриллятор, ЭКГ ва сунъий нафас бериш аппаратлари, дори-дармонлар каби барча керакли воситалар билан жиҳозланган бўлиб, беморни бир манзилдан тиббиёт муассасасига етказиб боргунча унинг ҳаётини сақлаб қолиш имкониятини беради.

Шунингдек, беморларни ташишда тиббиёт ходимларининг хавфсизлигини таъминлаш мақсадида реанимобиллар биобокслар билан таъминланган. Ушбу махсус насилканинг устига қилинган қопламада дарчалар бўлиб, улар орқали тиббиёт ходими беморга бемалол муолажалар ўтказиши мумкин.

Мақола муаллифи