Ўзбекистондаги талабалар сони очиқланди

Ўзбекистондаги олий таълим ташкилотларида таҳсил олаётган талабаларнинг умумий сони сўнгги 10 йилда 5,4 баробарга ошган. Бу ҳақда Миллий статистика қўмитаси хабар берди.

Қайд этилишича, 2024/2025 ўқув йили бошига Ўзбекистонда фаолият юритаётган олий таълим ташкилотларида таҳсил олаётган талабаларнинг умумий сони 1 млн 432,8 минг нафарни ташкил этди. Бу кўрсаткич 2015/2016 ўқув йилига нисбатан солиштирилганда 1 млн 168,5 минг нафарга ёки 5,4 баробарга ошган.

Олий таълим ташкилотларида таҳсил олаётган талабаларнинг умумий сони йиллар кесимида қуйидагича:

• 2015/2016 ўқув йили бошига – 264,3 минг нафар;
• 2016/2017 ўқув йили бошига – 268,3 минг нафар;
• 2017/2018 ўқув йили бошига – 297,7 минг нафар;
• 2018/2019 ўқув йили бошига – 360,2 минг нафар;
• 2019/2020 ўқув йили бошига – 441 минг нафар;
• 2020/2021 ўқув йили бошига – 571,5 минг нафар;
• 2021/2022 ўқув йили бошига – 808,4 минг нафар;
• 2022/2023 ўқув йили бошига – 1 042,1 минг нафар;
• 2023/2024 ўқув йили бошига – 1 314,5 минг нафар;
• 2024/2025 ўқув йили бошига – 1 432,8 минг нафар.

Эслатиб ўтамиз, аввалроқ “Таълим сифатини таъминлаш ва таълим хизматлари кўрсатиш тизимини такомиллаштириш бўйича қўшимча чора-тадбирлар тўғрисида”ги Президент фармони билан Ўзбекистонда 2025/2026 ўқув йилидан бошлаб сиртқи таълимга барча йўналишлар учун қабул бутунлай ёпилган эди.