Ўзбекистонда ўртача пенсия 10 йилда қанчага ошди?

2025 йилда Ўзбекистонда ўртача ойлик пенсия миқдори 1 млн 649,2 минг сўмни ташкил этди. Бу ҳақда Миллий статистика қўмитаси хабар берди.

Маълумотларга кўра, ўртача ойлик пенсия миқдори йиллар кесимида қуйидагича бўлган.

• 2016 йил – 494,2 минг сўм;
• 2017 йил – 556,8 минг сўм;
• 2018 йил – 640,5 минг сўм;
• 2019 йил – 733,2 минг сўм;
• 2020 йил – 848,5 минг сўм;
• 2021 йил – 963,6 минг сўм;
• 2022 йил – 1 млн 80,8 минг сўм;
• 2023 йил – 1 млн 234,5 минг сўм;
• 2024 йил – 1 млн 495,6 минг сўм;
• 2025 йил – 1 млн 649,2 минг сўм.

Рақамлардан кўриниб турибдики, пенсия миқдори айниқса 2023–2025 йилларда сезиларли ошган. Хусусан, 2023 йилда 1 млн 234,5 минг сўм бўлган ўртача пенсия 2024 йилда 1 млн 495,6 минг сўмга, 2025 йилда эса 1 млн 649,2 минг сўмга етган.

Шундай қилиб, 2016 йилга нисбатан 2025 йилда ўртача ойлик пенсия 3,3 баробарга ошган. Ўн йил давомида унинг номинал қиймати 1 млн 155 минг сўмга кўпайган.

Бироқ пенсия миқдоридаги номинал ўсишни пенсионерларнинг реал даромади сифатида баҳолашда инфляция ва истеъмол нархларининг ўзгаришини ҳам ҳисобга олиш лозим.

Эслатиб ўтамиз, аввалроқ Ўзбекистонда тўлиқ иш стажига эга бўлмаган ҳолда пенсияга чиқаётган фуқаролар улуши кескин ошгани ҳақида хабар берилган эди.