Ўзбекистонда олма ва мандарин қимматлади
Жамият
−
19 Январь 5846
Ўзбекистонда Янги йилдан кейин меваларга талаб камайишига қарамай олма нархи ошди. Бу ҳақда EastFruit таҳлилчилари маълум қилди.
Унга кўра, 2024 йил январь ойининг биринчи ҳафтасида олма улгуржи нархлари ўртача 20 фоизга ошган. Бу эса маҳсулот қиймати ўтган йилнинг шу даврига нисбатан 29 фоизга юқорилигини англатади.
Жумладан, Golden Delicious олмаси нархи кескин, атиги бир ҳафта ичида 40 фоизга кўтарилган. Натижада, ушбу олма навининг баҳоси бозори чаққон бўлган "Гала" олма навига тенглашиб олди.
Ўзбек бозорида энг машҳур ва арзон байрам меваларидан бири - мандарин ҳам қимматлаган. Ҳафта давомида меванинг улгуржи нархи 13 фоизга кўтарилган. Шунга қарамай, ушбу мева нархи нисбатан арзон бўлиб, унинг бир килограмми улгуржи савдода ўртача 9 минг сўмдан сотиляпти.
Энг арзон олма навларининг 1 килограмми 10 минг сўм (0,81 доллар), Golden Delicious нави эса 14 минг сўм (1,14 доллар)дан сотилаётганини ҳисобга олсак, мандарин ҳали ҳам ҳамёнбоп мевалар қаторида турибди.
Live
Барчаси
