Ўзбекистон интернет тезлиги рейтингида юқорилади

2019 йил июнь ойи якунлари бўйича жаҳонда мобил ва симли интернет тезлиги ҳақидаги маълумотларни ўз ичига олган Speedtest Global Index ойлик рейтинги эълон қилинди. 

Ирландиянинг Ookla компаниясига тегишли Speedtest.net интернет-сервиси маълумотига кўра, рейтингда Ўзбекистоннинг позициялари қуйидагича кўриниш олди:

•    мамлакат мобил интернет тезлиги бўйича ўз позициясини янада пасайтирди ва 9,63 Мбит/с. тезлик билан 132-ўринни (ўтган ойдагидан 2 поғона паст) эгаллади;

•    симли интернет тезлиги бўйича 17,7 Мбит/с. тезлик билан 178 давлат орасида 116-ўриндан (ўтган ойдагидан 8 поғона юқорилади) жой олди.

Жанубий Корея мобил интернет тезлиги (90,06 Мбит/с.) бўйича биринчи ўринни қўлга киритган бўлса, Сингапур эса  симли интернет тезлиги (195,88 Мбит/с.) бўйича биринчиликни ҳеч кимга бермай, дунёда тенгсиз бўлиб турибди. 

Speedtest сервисдан ўз уланиши тезлигини текширишда фойдаланувчи шахслардан олинган маълумотлар асосида тезликни ҳисоблаб чиқаради ҳамда рейтингни шакллантиради.