Усик-Фьюри жанги ташкилотчилари ноқонуний трансляциялардан қанча зарар қилгани маълум бўлди
Спорт
−
22 Май 3495
Украиналик Александр Усик ва британиялик Тайсон Фьюри ўртасидаги бокс жангини камида 20 миллион томошабин интернетдаги ноқонуний трансляциялар орқали томоша қилган. Бу ҳақда онлайн трансляциялар назорати билан шуғулланувчи “Yield Sec” платформаси хабар берди.
Манбага кўра, бу кўрсаткич анча юқори бўлиши мумкин эди. Тадқиқотда ноқонуний трансляцияга ҳар бир ҳавола битта томошабин сифатида ҳисобланган. Оқибатда расмий телевидение ҳуқуқлари эгалари тахминан 120 миллион доллар йўқотишган.
Тадқиқотда камида 2 мингта ноқонуний эшиттириш манбалари аниқланган. Шундан тахминан 45 фоизи Европа (Буюк Британияда 18 фоиз), 25 фоизи Шимолий Америка ва 16 фоизи Осиё ҳиссасига кирган.
Жанг қонуний равишда Sky Sports, TNT Sport ва DAZN телеканалларида намойиш этилди.
