Ўлимимдан аввал ўғлим “Спортинг”га қайтишини истайман – Роналдунинг онаси
Спорт
−
22 Сентябрь 2021 4234
Криштиану Роналдунинг онаси Долореш Авейру кўзи очиқлигида ўғлини “Спортинг”га қайтишини хоҳлаётганини таъкидлади.
“Роналду бу ерга қайтиши керак. Агар ҳаммаси менинг ихтиёримда бўлганида, у аллақачон шу ерда бўларди. Мен унга ўлимимдан олдин “Спортинг”га қайтишини кўрмоқчи эканимни айтдим”, дейди Долореш.
Шунингдек, Авейру ўғли жамоага қайтмаган тақдирда набираси лиссабонликлар таркибига ўтишини сўраган:
“Агар у қатмаса, ўрнига кичик Криштиану “Спортинг”га ўтсин. Ҳозирги ёшида у отасининг ёшлик пайтидагидан кўра, яхшироқ ўйнаяпти”.
Эслатиб ўтамиз, Криштиану Роналду профессионал фаолиятини “Спортинг”да бошлаган ва клуб сафида 30 ўйинда майдонга тушиб, 5 та гол урган.
Маълумот учун, Роналду “Forbes” журнали талқинига кўра, 2021 йилнинг энг кўп маош оладиган футболчилари рўйхатида биринчи ўринни эгаллади.
