ЎФА иккита ўйин юзасидан текширув бошлайди (видео)

Спорт

−

30 Октябрь 2023 visibility6044 timer1 дақиқа

Ўзбекистон футбол ассоциацияси (ЎФА) Ўзбекистон чемпионати доирасида иккита ўйин бўйича текширув ўтказади. Бу ҳақда ассоциация матбуот хизмати маълум қилди.

Мамлакат чемпионатининг 23-туридан ўрин олган “Бухоро” – “Пахтакор” учрашувида ишлаган ҳакамлар гуруҳи фаолияти бўйича ЎФА махсус инспекцияси томонидан текширув ўтказилади.

Шунингдек, “Бунёдкор” – “Нефтчи” баҳсидан сўнг меҳмонлар бош мураббийи Виталий Левченко томонидан билдирилган кескин фикрлар ҳамда айбловлар қанчалик асосли эканлиги ҳам ўрганиб чиқилади. Текширув натижасида мазкур гаплар ўз тасдиғини топса, айбдорлар жазоланади. Акс ҳолда ноҳақ айбловлар билдирган мутахассисга нисбатан тегишли чора кўрилади.

Эслатиб ўтами з, аввалроқ Андижонда юз берган кўнгилсиз ҳолат ЎФА тартиб-интизом қўмитаси томонидан кўриб чиқилиши хабар қилинганди. Ҳолат юзасидан ҳозирча “Андижон-СГС” клуби ўз саҳифасида муносабат билдирди.

Мақола муаллифи