Туркияда зилзила қурбонлари сони 7 мингдан ошди
Олам
−
08 Февраль 2023 5918
Туркия жануби-шарқида рўй берган кучли зилзила қурбонлари сони 7 108 нафарга етди. Бу ҳақда “TRT Haber” хабар берди.
Қайд этилишича, зилзила оқибатида 40 910 нафар киши яраланган.
Эслатиб ўтамиз, жорий йилнинг 6 февраль куни Туркия жануби-шарқидаги Қаҳрамонмараш вилоятида 7,7 магнитудали зилзила юз берди.
Шундан сўнг, Туркиянинг 10 та ҳудудида фавқулодда ҳолат, шунингдек, мамлакатда 7 кунлик мотам эълон қилинди.
Зилзиладан кейин 70 та давлат ва 14 халқаро ташкилот Туркияга ёрдам таклиф қилди. Ўзбекистон Президенти Шавкат Мирзиёев топшириғи билан Туркиядаги зилзила оқибатларини бартараф этиш мақсадида ФВВ қутқарувчилари ҳамда 3 та махсус авария-қутқарув техникаси Туркияга жўнатилди.
