Туркияда 10 қаватли бино бутунлай ёниб кетди (видео)
Олам
−
12 Ноябрь 2023 10885
Кеча, 12 ноябрга ўтар кечаси Туркиянинг Бурса шаҳридаги 10 қаватли бизнес марказида кучли ёнғин содир бўлди. Бу ҳақда NTV хабар берди.
Телеканал маълумотларига кўра, дастлаб марказнинг биринчи қаватида юзага келган ёнғин қисқа вақт ичида бутун бинони қамраб олган. Аланга шаҳар ҳокимияти ўт ўчириш бригадалари аралашувидан кейингина бартараф этилган. Аниқлик киритилишича, ёнғин нафақат бинонинг бутун конструкциясига, балки унинг ёнида турган иккита машинага ҳам зиён келтирган.
Дастлабки тергов маълумотларида келтирилишича, ёнғин содир бўлган вақтда бинода ҳеч ким бўлмаган. Ҳозирда ҳодисанинг келиб чиқиш сабаблари ўрганилмоқда. Тегишли мутахассислар эса етказилган зарар миқдорини ҳисобламоқда.
Воқеа жойидан олинган юуқоридаги кадрларда аланга кўп қаватли бинонинг бутун периметри бўйлаб тарқалиб, энг юқори қаватларига қадар етиб борганини кўриш мумкин.
