Тўрабек Ҳабибуллаев икки карра Олимпиада чемпионига ютқазиб қўйди

Спорт

−

03 Август 2024 visibility12179 timer1 дақиқа

Франция мезбонлик қилаётган 2024 йилги ёзги Олимпиада ўйинларининг бокс баҳсларида рингга кўтарилган ўзбекистонлик Тўрабек Ҳабибуллаев кубалик 2 карра Олимпия чемпиони Арлен Лопесга қарши жанг олиб борди ва мағлубиятга учради. Шу билан у ярим финал йўлланмасини қўлдан чиқарди ва Олимпиадани тарк этди.

Бироз олдин Ҳасанбой Дўсматов ярим финалга йўлланма олганди.

Шунингдек, Олимпиада ўйинларининг +92 кг вазнда бокс бўйича эркаклар ўртасидаги чорак финал баҳсларида ўзбекистонлик Баҳодир Жалолов австралиялик Теремоана Жуниорга қарши курашиб, у ҳам ярим финалга чиққанди.

Эслатиб ўтамиз, аввалроқ дзюдо баҳсларида Ўзбекистон шарафини ҳимоя қилган Алишер Юсупов 3-ўрин учун кечган беллашувда япониялик Саито Тацурони иппон баҳоси билан енгиб, бронза медалига эга чиққани хабар қилинганди.

Мақола муаллифи