Трамп яна 3 давлат раҳбарини инаугурациясига таклиф қилди – CNN

АҚШнинг сайланган президенти Дональд Трамп ўз инаугурациясига чет эл лидерларини, жумладан, Аргентина Президенти Хавьер Милей, Италия Бош вазири Жоржия Мелони ва Сальвадор Президенти Найиб Букелени таклиф қилди. Бу ҳақда ўз манбадарига таяниб, CNN хабар берди.

Қайд этилишича, таклифлар асосан норасмий каналлар орқали юборилган, баъзилари эса бошқа масалаларни муҳокама қилиш пайтида телефон орқали билдирилган. Манбаларга кўра, Трамп ушбу тадбирда жаҳондаги етакчи шахсларни кўришни хоҳлаяпти.

Маълумот учун, анъанага бўйича АҚШда инаугурацияда фақат дипломатик вакиллар ва элчилар иштирок этади. 1874 йилдан бери ҳеч бир хорижий давлат раҳбари ушбу тадбирда қатнашмаган.

Эслатиб ўтамиз, аввалроқ Дональд Трамп Хитой раҳбари Си Цзиньпин ва Венгрия Бош вазири Виктор Орбанни 20 январь куни Вашингтондаги инаугурация маросимига таклиф этгани хабар қилинганди. Бироқ америкалик дипломатлар ва расмий манбаларга таяниб, CBS News телеканали Си Цзиньпин Дональд Трампнинг инаугурация маросимида қатнашмасли ҳақида хабар берди.