Трамп Атлантика ёки Тинч океанини ҳам “ўзлаштирмоқчи”

АҚШ Президенти Дональд Трамп Атлантика ёки Тинч океанини “Трамп океани” ёки “Америкалар океани” деб қайта номлаши мумкинлигини айтди. Бу ҳақда у кеча, 10 октябрь куни Теннесси штатидаги Кларксвилл шаҳрида ўтказилган митингда гапирди.

“Бизга дарё керак. Бизга океан керак”, деган Трамп.

У Мексика қўлтиғини “Америка қўлтиғи” деб қайта номлаш ҳақидаги қарорини ҳам эслатган. Президентнинг айтишича, АҚШ харитасида ўз номи билан аталадиган океан ҳам бўлиши керак.

“Кетишимдан олдин, менимча, бизда ўз номимиздаги океан ҳам бўлиши керак”, деган у.

Трамп аввалроқ ҳам Канада билан муносабатлар фонида Атлантика ва Тинч океанларининг номини ҳам ўзгартириш мумкинлигини айтганди. Бироқ Трамп Атлантика ёки Тинч океанининг номини ўзгартириш бўйича ҳозирча расмий режа эълон қилмаган.

Эслатиб ўтамиз, аввалроқ АҚШ Президенти Дональд Трамп Канада билан давом этаётган савдо уруши фонида Онтарио кўлининг номини “Америка кўли” (Lake America) деб ўзгартириш тўғрисида фармон имзолаганди. У, шунингдек, Ой юзасидаги бирор объект унинг шарафига номланишини хоҳлашини айтганди. Бундан ташқари, АҚШ Президенти Дональд Трамп Ҳормуз бўғозини АҚШ ҳудуди деб эълон қилганди.