Тожикистон Қирғизистонни чегарада можаро чиқаришда айблади
Олам
−
06 Июнь 2022 4963 1 дақиқа
Тожикистон қўшни Қирғизистонни янги чегара можаросини юзага келтиришга уринишда айблади. Бу ҳақда Тожикистон ТИВ хабарида айтилган.
“Жума куни қирғиз ҳарбийлари қасддан ва ноқонуний равишда Ворух қишлоғида чегарани кесиб ўтди”, дейилади вазирлик хабарида.
Тожикистон томони баёнотига кўра, тожик чегарачилари улардан кетишни талаб қилганда, қирғиз чегарачилар бундан бош тортиб, ўт очган. Кейин жавоб қайтарилган, якунда ҳар икки томон ўт очишни тўхтатишга келишиб олган.
Тожикистон Қирғизистон чегара ҳудудларига мунтазам қўшин киритмаслик ҳақидаги келишувни бузганини айтмоқда.
“Бу чегарадаги вазиятнинг кескинлашишига олиб келадиган номақбул қадамдир”, дейилади баёнотда.
Эслатиб ўтамиз, 3 июнь куни қирғиз-тожик чегарасида отишма юз берганди. Қирғиз томони тожик ҳарбийлари шартли чегарани кесиб ўтганини айтганди.
Live
БарчасиНавоийда Қорбоболар паради ўтказилди
25 Декабрь
Мария Захарова 50 ёшга тўлди
25 Декабрь
