Toshkentdagi yana bir ko‘cha 2 kunga yopildi
Jamiyat
−
22 may 2862 1 daqiqa
Toshkent shahar Mirzo Ulug‘bek tumanidagi ko‘chalardan biri qurilish-ta’mirlash ishlari sababli vaqtincha yopildi. Bu haqda poytaxt hokimligi xabar berdi.
Qayd etilishicha, Mirzo Ulug‘bek tumanidagi qurilish-ta’mirlash ishlari sababli Kichik halqa avtomobil yo‘lining Oqqo‘rg‘on ko‘chasi kesishmasidan Katta Darxon ko‘chasi kesishmasigacha bo‘lgan bir tomonlama yo‘nalish qismi bugun, 22 may soat 15:00 dan 24 may soat 06:00 gacha barcha transport vositalari uchun yopildi.
Ko‘rsatilgan davr mobaynida muqobil yo‘nalishlardan foydalanish tavsiya qilinadi.
Eslatib o‘tamiz, avvalroq Toshkent shahrida “Talabalar festivali” o‘tkazilishi munosabati bilan 19 may soat 20:00 dan 23 may soat 00:00 gacha Olmazor tumanining Farobiy ko‘chasi Universitet ko‘chasi kesishmasidan Talabalar ko‘chasi kesishmasigacha bo‘lgan yo‘l vaqtinchlalik yopilishi xabar qilingandi.
Live
Barchasi
