Тошкентда қалбаки долларни пуллаётганлар қўлга олинди
3-саҳифа
−
28 Март 4377
Тошкентда 18 800 қалбаки АҚШ долларини сотаётганлар ушланди. Бу ҳақда Бош прокуратура ҳузуридаги департамент хабар берди.
Қайд этилишича, Бош прокуратура ҳузуридаги департаментнинг Тошкент шаҳар бошқармаси томонидан ДХХ ҳамда ИИББ ходимлари билан ҳамкорликда тадбир ўтказилган.
Унда, фуқаролар А.Р., И.И. ва бошқалар Яшнобод тумани ҳудудида жами 18 800 қалбаки АҚШ долларини фуқаро А.Қ.га 141 млн сўмга сотган вақтларида ушланиб, улардан жами 283 дона 100 АҚШ долларлик қалбаки купюралари ашёвий далил сифатида олинган.
"Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда", дейилади хабарда.
Live
Барчаси