Тошкентда аёл кишининг ортидан иштонсиз қувган эркакка ҳукм ўқилди

Жорий йилнинг 1 июль куни Тошкент шаҳридаги ер ости йўлларининг бирида аёлни йўлини тўсган ҳамда иштонсиз қувлаб, унга шаҳвоний шилқимлик қилган 31 ёшли эркакка суд ҳукми ўқилди. QALAMPIR.UZ мазкур ҳолат юзасидан суд хужжати билан танишди.

Ҳужжатда келтирилишича, 2026 йил 1 июль куни соат 11:00 да ҳуқуқбузар эркак  Тошкент шаҳар Яккасарой тумани Ш.Руставели кўчаси 53-уй олдидаги ер ости йўлида бўла туриб, аёл О.Б.нинг йўлини тўсган. Шунингдек, у аёлга шаҳвоний шилқимлик қилган ҳамда иштонини ечиб, аёлни қувлаган.

Суд мажлисида ҳуқуқбузар эркак ҳақиқатдан ҳам у юқорида кўрсатиб ўтилган ҳолатдаги ҳуқуқбузарлик ҳаракатига иқрорлигини, ҳозирда содир этган қилмишидан пушаймонлигини, бундан кейин бу каби ҳаракатларни содир этмаслигини билдириб, суддан унга енгиллик беришни сўраган.

Қайд этилишича, суд қарори билан ҳуқуқбузар Маъмурий жиноят кодексининг 41-1-моддаси (шаҳвоний шилқимлик қилиш) 1-қисмида назарда тутилган ҳуқуқбузарликни содир қилган деб топилган ва айбдорга нисбатан ҳудди шу модда билан 5 сутка маъмурий қамоқ жазоси тайинланган.

Эслатиб ўтамиз, аввалроқ Тошкентнинг Бектемир туманида жойлашган хусусий клиника менежери беморга нисбатан шаҳвоний шилқимлик қилгани учун маъмурий жавобгарликка тортилган эди.