Тошкентда 15 кишига мавжуд бўлмаган рейсга авиачипталар сотилди
3-саҳифа
−
26 Май 2023 5685
Тошкент шаҳар Шайхонтоҳур туманида 32 ёшли шахс томонидан 15 кишига мавжуд бўлмаган авиачипталар сотилгани аниқланди. Бу ҳақда Тошкент шаҳар Ички ишлар бош бошқармаси Матбуот хизмати хабар берди.
Маълум қилинишича, 2022 йил давомида фирма раҳбари бўлиб ишлаган 32 ёшли О.Т. 15 нафар фуқарога жами 246 520 800 сўмлик мавжуд бўлмаган авиачипталарни сотган. У фуқаролардан олинган пулларни фирманинг банк ҳисоб рақамига ўтказмай, ўз эҳтиёжлари учун сарфлаб юборган.
Мазкур ҳолат юзасидан Ўзбекистон Республикаси Жиноят кодексининг 168-моддаси (“Фирибгарлик”) билан жиноят иши қўзғатилган. Тергов давом этмоқда.
Эслатиб ўтамиз, Тошкентда тадбиркорларга авиачипта банд қилишда ёрдам беришни ваъда қилган фирибгарлар ушланган эди. МЧЖ раҳбарлари томонидан 50 нафар фуқарони Умра сафарига юбориш ваъда қилиниб, 10 000 АҚШ доллари фирибгарлик йўли билан қўлга киритилганди.
Live
Барчаси07 Ноябрь 2023
07 Ноябрь 2023
07 Ноябрь 2023
07 Ноябрь 2023
