Термизда уч эгизак туғилди

Жамият 2942
image

Термиз шаҳар тиббиёт бирлашмасининг туғруқ бўлимида фуқаро Ирода Хўжамова бир йўла уч эгизакни дунёга келтирди. Бу ҳақда ЎзА ёзмоқда. 

Аёлнинг турмуш ўртоғи Умиджон Ҳайдаров қурилиш ташкилотида ишчи бўлиб, меҳнат қилади. Бу бахтиёр оилада икки қиз камолга етаётган эди. Эндиликда улар беш нафар бўлди. Чақалоқларга Ҳасанбой, Фотима ва Зуҳра, деб исм қўйилди. 

Термиз шаҳар тиббиёт бирлашмасидан маълум қилишларича, туғилган уч чақалоқ малакали мутахассислар кўригидан ўтказилди. Улар соғлом. Онани ҳам, чақалоқларни ҳам тажрибали шифокорлар назорат қилиб, малакали тиббий хизмат кўрсатмоқда.

Эслатиб ўтамиз, Ўзбекистонда сўнгги уч эгизак жорий йилнинг 19 сентябрь куни Фарғонада, Хуршидбек Иброҳимов ва Нозимахон Аҳмаджонова оиласида дунёга келган эди. 

Qalampir.uz Tahririyati
Мақолага баҳо беринг
Баҳолаганлар: 98
Рейтинг: 3.0
Теглар
t
×