Танишини унинг сирини ошкор қилиш билан қўрқитган аёл ушланди (видео)
3-саҳифа
−
23 июл 3717 1 дақиқа
Фарғона шаҳрида фуқародан сир сақланиши лозим бўлган маълумотларни ошкор қилиш билан таҳдид қилиб, пул талаб қилган аёл қўлга олинди. Бу ҳақда вилоят Ички ишлар бошқармаси хабар берди.
Қайд этилишича, 1988 йилда туғилган, Фарғона шаҳрининг Мотуридий кўчасида яшовчи аёл жабрланувчининг ошкор этилиши мумкин бўлмаган шахсий маълумотларини тарқатиш билан таҳдид қилиб, ундан 3 миллион сўм талаб қилган. Эвазига ушбу маълумотларни ошкор қилмаслигини айтган.
Тезкор тадбир давомида аёл келишилган 3 миллион сўмни олаётган вақтида ашёвий далиллар билан ушланган.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.
Эслатиб ўтамиз, аввалроқ Фарғона вилоятида фуқарони калтаклаб, унинг шахсий ҳаётига оид тасвирларни тарқатиш билан қўрқитиб, 8 миллион сўм талаб қилган 5 нафар йигит қўлга олинган эди.
Live
Барчаси
