Талатўплар вақтида ўғирланган қуроллар ғамланган омбор топилди (видео)
Олам
−
24 Январь 2022 14287
Жорий йилнинг январь ойида Қозоғистонда бўлиб ўтган тартибсизликларнинг ўчоқларидан бири бўлган Олма-отада тўполонлар вақтида ўғирланган қуроллар ва ўқ-дорилар сақланаётган омбор топилди. Бу ҳақда Zakon.kz хабар берди.
Қуроллар яширилган жой Шонироқ микрораёнидаги хусусий уйнинг поли остида қурилган. Унда икки яшик ўқ-дорилар, 12 та РГД ва Ф-1 гранаталари, Калашников автоматининг ўқлари, ўқ ўтказмайдиган жилетлар, қалқонлар, дубулғалар, танкка қарши гранатамёт ўқлари, силлиқ ўқли қуроллар, тўққизта милтиқ ва бошқалар сақланган.
Маълум бўлишича, тартибсизликлар чоғида қўлга олинган тўрт нафар шахс қурол дўконини талон-тарож қилган.
Тергов-тезкор гуруҳи томонидан процессуал тартибда ашёвий далиллар олинган. Жиноят иши Қозоғистон Республикаси Жиноят кодексининг 188-моддаси 3-қисми ва м. 291-моддаси 1-қисми бўйича рўйхатга олинган. Гумонланувчилар вақтинчалик сақлаш изоляторига жойлаштирилган.
Ҳибсга олинганлар қуроллар захираси топилган ижара уйда бирга яшаган. Уларнинг ёши 27, 35, 39 ёшда.
Live
Барчаси
