Суарес Мессига жамоадош бўлиши мумкинлигини тасдиқлади

Уругвайлик футболчи Луис Суарес фаолиятини MLS'нинг “Интер Майами” клубида давом эттириши мумкинлигини тасдиқлади ва бу ҳақда жамоанинг аргентиналик ҳужумчиси Лионель Месси билан гаплашганини маълум қилди.

Суарес мавсум охирида Бразилиянинг “Гремио” клубини тарк этишини эълон қилди. 36 ёшли форвардга Американинг “Интер Майами” клуби қизиқиш билдирмоқда.

“Келажагим ҳақида кўп гапириш мумкин, кўплаб яхши жамоалар менга алоқага чиқди. Имкониятлар қандай эканини билиш учун вакилим билан гаплашаман. Бразилия чемпионати тугагунига қадар ҳеч нарса қилишни хоҳламадим. “Интер Майами” менинг бўлажак клубим бўлиши мумкин. Дунёнинг энг яхши футболчиси у ерда ўйнайди ва у менинг ажойиб дўстим, Месси билан келажагимни муҳокама қилдик, лекин мен ҳозирча дам олмоқчиман, кейинроқ келгуси фаолиятим борасида бир қарорга келаман”, дейди Суарес.

Фаолияти давомида Суарес Уругвайнинг “Насьонал”, Нидерландиянинг “Гронинген” ва “Аякс”, Англиянинг “Ливерпуль”, Испаниянинг “Атлетико” ва “Барселона” клублари шарафини ҳимоя қилган. У 68 та гол билан Уругвай терма жамоаси тарихидаги энг яхши тўпурар бўлиб, 2011 йилда терма жамоа билан Америка Кубогида ғолиб чиққан.