Шомуродов “Рома”да илк бор асосий таркибда майдонга тушди

Футбол бўйича Италия А Сериясининг 14-турида Римнинг "Рома" клуби сафарда "Сассуоло" билан баҳс олиб борди. Ўйин 1:1 ҳисобидаги дуранг натижа билан якунланди.

Эътиборисли, "Сассуоло"га қарши баҳсда римликлар устози Жозе Моуриньо ўзбекистонлик ҳужумчи Элдор Шомуродовни жорий мавсумда илк марта асосий таркибда майдонга туширди. Янги мавсумда Шомуродов 7 та ўйинда захирадан майдонга тушиб, атиги 85 дақиқа тўп сурганди. "Сассуоло" билан ўйинда Элдор 66-дақиқада захирага олинди. 

Ўйиндан сўнг ўзбекистонлик футболчи ўз Instagram саҳифасига пост жойлаб, "Олға боришда давом эт, ҳеч қачон тўхтаб қолма", деб ёзиб қолдирди.

Аввалроқ, ўзбекистонлик ҳужумчига Туриннинг "Торино" клуби жиддий қизиқиш билдираётгани ҳақида хабарлар тарқалганди. Шомуродовнинг сўзларидан англаш мумкинки, у "Рома"да асосий таркиб учун ҳали курашмоқчи.

Маълумот учун, "Transfermarkt" портали 27 ёшли футболчи 8 миллион еврога баҳоламоқда.