Шомуродов мухлисларига мурожаат йўллади
Спорт
−
19 Декабрь 2023 20912
Яқиндагина Италиянинг “Кальяри” клуби сафида жароҳат олиб, сафдан чиққан Ўзбекистон миллий терма жамоаси сардори Элдор Шомуродов ўз Instagram саҳифаси орқали мухлисларига мурожаат йўллади.
“Мен яна ўша куч ҳамда иштиёқ билан қайтаман! Охирги кунларда қўллаб-қувватлаб турган барчага раҳмат!”, дейди Шомуродов.
Шунингдек, Шомуродовнинг ҳолати бўйича Сардиния жамоаси ҳам баёнот берди.
“Бугун футболчимиз Элдор Шомуродовнинг оёғида жарроҳлик амалиёти ўтказилди. Муолажа Римдаги “Villa Stuard” госпиталида профессор Аттилио Стануччи томонидан ва клубнинг тиббий бўлими бошлиғи Марко Скорку иштирокида амалга оширилди. Операция муваффақиятли ўтди”, дейилади клуб баёнотида.
Ҳозирча футболчининг қачон сафга қайтиши бўйича расмий маълумот берилгани йўқ.
Live
Барчаси
