Шоҳжаҳон Эргашев рингга қайтмоқчи
Спорт
−
03 Январь 11823
Охирги жангида пуэрто-риколик Сабриэль Матиасга имкониятни бой берган ўзбекистонлик профессионал боксчи Шоҳжаҳон Эргашев яна жанг ўтказмоқчи. Бу ҳақда QALAMPIR.UZ манбаси хабар берди.
Маълум бўлишича, Эргашев март ойида рингга қайтишни режалаштирмоқда. У 28 март куни ўтказиладиган бокс турнирида жанг қилиши кутиляпти.
Ҳозирда 32 ёшли чарм қўлқоп устаси Тошкент шаҳрида жароҳати сабабли даволанмоқда.
Маълумот учун, Шоҳжаҳон Эргашев шу вақтга қадар профрингда 24 та жанг ўтказиб, 23 тасида ғалаба қозонган. 1 та жангида эса имкониятни бой берган.
Live
Барчаси
