Сербия Президенти Ўзбекистонга келди (фото)
Жамият
−
28 Октябрь 5701 1 дақиқа
Бугун, 28 октябрь куни Ўзбекистон Республикаси Президенти Шавкат Мирзиёевнинг таклифига биноан Сербия Республикаси Президенти Александр Вучич рафиқаси ҳамроҳлигида расмий ташриф билан Ўзбекистонга келди. Бу ҳақда ЎзА хабар берди.
Қайд этилишича, Александр Вучични Тошкент халқаро аэропортида Ўзбекистон Республикаси Бош вазири Абдулла Арипов ва бошқа расмийлар кутиб олган.
Ташриф дастурига мувофиқ, Тошкент шаҳрида музокаралар ўтказилади, уларда Ўзбекистон – Сербия ҳамкорлигини янада ривожлантиришнинг истиқболлари муҳокама қилинади.
Шунингдек, Александр Вучич фахрий меҳмон сифатида шу ҳафта Самарқанд шаҳрида бошланадиган UNESCO Бош конференциясининг 43-сессиясида ҳам иштирок этади.
Эслатиб ўтамиз, аввалроқ Сербиянинг Ўзбекистондаги янги элчиси этиб Момчило Бабич тайинланганди.
Live
Барчаси
