“Сен келсанг, мен “Реал”дан кетаман”. Марсело Роналду билан тортишувини эслади

“Реал”нинг собиқ ҳимоячиси Марсело “қаймоқранглилар” сафига ўтиш олдидан ҳужумчи Криштиану Роналду билан кичик можарога борган. Бу ҳақда Марсело “Madrid Xtra”га берган интервьюсида маълум қилди.

“Менинг Криштиану билан муносабатларим Бразилия - Португалия ўйини вақтида жанжаллашганимиздан бошланган. У жуда тезкор эди ва мен уни тўхтатиб қолишим керак эди. У мени торта бошлади, менга жавоб қайтармоқчи эдим, лекин у жуда баланд эди. Кейинроқ билдимки, “Реал” икки ой ичида Роналдуни сотиб оларкан. Ўшанда унга ҳазиллашиб сен келсанг мен клубни тарк этаман, дегандим. Лекин ҳаммаси яхши бўлди”, дейди Марсело.

Маълумот учун, Марсело “Реал”да 2007 йилнинг январидан 2022 йилнинг августигача ўйнаган. “Қироллик клуби”даги фаолияти давомида бразилиялик беш марта Европа Чемпионлар лигасида ғолиб чиққан. 2022 йил сентябрида Марсело Грециянинг “Олимпиакос” клубига ўтди ва ўтган йилнинг ноябрида бразилиялик футболчи ўз ватанининг “Флуминенсе” жамоасида фаолиятини якунлади.

Эслатиб ўтамиз, аввалроқ Криштиану Роналду футболдаги кумирлари ким эканлигини маълум қилганди.

Эътиборлиси, 40 ёшли Роналду айнан Марселонинг ватандошларини ўз кумирлари сифатида тан олади.