Самарқандда 1,8 млрд сўмлик токни ўғирлаган майнинг ферма аниқланди
3-саҳифа
−
13 Февраль 2735
Самарқанд шаҳрида 1,8 млрд сўмлик электр энергиясини ўғирлаган майнинг ферма аниқланди. Бу ҳақда Бош прокуратура матбуот хизмати хабар берди.
Қайд этилишича, Самарқанд шаҳридаги “С.М.” оилавий корхонаси раҳбари А.И. ва корхонага қарашли мебель цехи устаси А.Н. лар мебель цехини ўзбошимчалик билан тармоққа улаган ҳолда ноқонуний майнинг фаолияти билан шуғулланиши оқибатида 1,8 млрд сўмлик электр энергиясини ўғирлик йўли билан талон-торож қилган.
Билдирилишича, мазкур ҳолат юзасидан И.А. ва А.Н. га нисбатан Жиноят кодексининг 169-моддаси (ўғирлик) 4-қисми “а” банди билан жиноят иши қўзғатилган.
Эслатиб ўтамиз, аввалроқ Тошкент шаҳри Мирзо Улуғбек туманидаги “S.T.” МЧЖ мансабдор шахслари ва бошқалар жамиятга қарашли контейнерга 40 дона майнинг қурилмаларини ўрнатиб, 2,1 миллиард сўмлик электр энергиясидан ноқонуний фойдалангани аниқланган эди.
