Россиядаги бензин танқислиги Марказий Осиёга ҳам таъсир кўрсатмоқда – “Bloomberg”
Олам
−
04 июл 68192 2 дақиқа
Россияда юзага келган бензин танқислиги Марказий Осиё давлатларига ҳам таъсир кўрсата бошлади. Бу ҳақда “Bloomberg” хабар берди.
Нашр маълумотига кўра, Қирғизистон ёнилғи таъминотини барқарор сақлашда кўмак сўраб қўшни давлатларга мурожаат қилган. Ўзбекистонда бензин нархи кескин ошган. Қозоғистон эса ёнилғини ноқонуний олиб чиқилишининг олдини олиш учун чегара назоратини кучайтирган ва танқисликка йўл қўймаслик мақсадида айрим нефть маҳсулотларини темир йўл орқали экспорт қилишни вақтинча тақиқлаган.
“Bloomberg”нинг таъкидлашича, таъминотдаги узилишлар Хитойнинг минтақадаги таъсири ортиб бораётганига қарамай, Марказий Осиё иқтисодиёти Россия нефть маҳсулотларига ҳали ҳам юқори даражада боғлиқлигини яна бир бор кўрсатган.
Нашрга кўра, Россиядаги ёнилғи танқислиги Украина дронлари ҳужумларидан кейин қатор нефтьни қайта ишлаш заводлари фаолияти тўхтагани билан боғлиқ. Июнь ойи охири ҳолатига кўра, Россия ҳудудларининг қарийб 90 фоизида бензин таъминотида узилишлар ёки уни сотишга чекловлар жорий этилгани маълум қилинган.
Владимир Путин мамлакатдаги ёнилғи (бензин) билан боғлиқ мураккаб вазият ҳақида ҳисоботни эшитиб, биринчи марта нефтни қайта ишлаш заводларига қилинган ҳужумлар сабабли юзага келган бензин етишмовчилиги ҳақида изоҳ берган. Бундан ташқари, у Россия Украина билан музокараларга тайёр эканини айтган.
Эслатиб ўтамиз, аввалроқ Россия ички бозордаги ёнилғи тақчиллиги сабабли Қозоғистон билан тахминан 50 минг тонна ҳажмдаги AI-92 автобензинини импорт қилиш имконияти бўйича музокаралар олиб борганди. Шундан сўнг, Россияда бензин ва авиация керосини экспортига вақтинчалик тўлиқ тақиқ жорий этилди.
Нашр маълумотига кўра, Қирғизистон ёнилғи таъминотини барқарор сақлашда кўмак сўраб қўшни давлатларга мурожаат қилган. Ўзбекистонда бензин нархи кескин ошган. Қозоғистон эса ёнилғини ноқонуний олиб чиқилишининг олдини олиш учун чегара назоратини кучайтирган ва танқисликка йўл қўймаслик мақсадида айрим нефть маҳсулотларини темир йўл орқали экспорт қилишни вақтинча тақиқлаган.
“Bloomberg”нинг таъкидлашича, таъминотдаги узилишлар Хитойнинг минтақадаги таъсири ортиб бораётганига қарамай, Марказий Осиё иқтисодиёти Россия нефть маҳсулотларига ҳали ҳам юқори даражада боғлиқлигини яна бир бор кўрсатган.
Нашрга кўра, Россиядаги ёнилғи танқислиги Украина дронлари ҳужумларидан кейин қатор нефтьни қайта ишлаш заводлари фаолияти тўхтагани билан боғлиқ. Июнь ойи охири ҳолатига кўра, Россия ҳудудларининг қарийб 90 фоизида бензин таъминотида узилишлар ёки уни сотишга чекловлар жорий этилгани маълум қилинган.
Владимир Путин мамлакатдаги ёнилғи (бензин) билан боғлиқ мураккаб вазият ҳақида ҳисоботни эшитиб, биринчи марта нефтни қайта ишлаш заводларига қилинган ҳужумлар сабабли юзага келган бензин етишмовчилиги ҳақида изоҳ берган. Бундан ташқари, у Россия Украина билан музокараларга тайёр эканини айтган.
Эслатиб ўтамиз, аввалроқ Россия ички бозордаги ёнилғи тақчиллиги сабабли Қозоғистон билан тахминан 50 минг тонна ҳажмдаги AI-92 автобензинини импорт қилиш имконияти бўйича музокаралар олиб борганди. Шундан сўнг, Россияда бензин ва авиация керосини экспортига вақтинчалик тўлиқ тақиқ жорий этилди.
Live
Барчаси
