Россия коронавирус қайд қилингани бўйича учинчи ўринга чиқиб олди
Олам
−
11 Май 2020 4298 1 дақиқа
Бугун, 11 май куни Россия Британия ва Италияни четлаб ўтиб, коронавирус инфекциясининг тасдиқланган ҳолатлари бўйича дунёда учинчи ўринга чиқиб олди. Бу ҳақда Жон Хопкинс университети ўз маълумотларига асосланиб хабар берди.
Таъкидланишича, Россияда ушбу касалликка чалинганлар сони 221 344 кишига етган. Бу кўрсаткич Буюк Британияда 219 183, Италияда эса 219 070 нафарни ташкил қилмоқда.
Бироқ, Буюк Британия ва Италияда 11 май учун ҳали маълумотларни эълон қилмаган. Агар уларда 3000 дан ортиқ касалланиш қайд этилса Россия яна 5 ўринга қайтиш эҳтимоли мавжуд.
Рўйхатни ҳалигача АҚШ 1 329 799 кўрсаткич билан бошқариб келмоқда. Ундан сўнг, рўйхатнинг 2 ўрнида Испания 224 350 кўрсаткич билан турибди. Агар Россия ушбу “темпда“ давом этса Испанияни ҳам қувиб ўтиши мумкин.
Сўнгги маълумотларга кўра, Россияда касалланганларнинг 39 801 нафари соғайган. 2 009 нафари эса вафот этган.
Live
Барчаси
