Роналду собиқ клубига қайтиши мумкин

Спорт

image

“Ал-Наср” клубининг португалиялик ҳужумчиси Криштиану Роналду “Реал”га қайтиши мумкин. Бу ҳақда “Sky Sports” хабар берди.

40 ёшли португалиялик футболчи “Ал-Наср” билан ушбу мавсум якунида тугайдиган шартномасини узайтирмаслик имкониятини кўриб чиқмоқда. Роналду 2025 йилда клублар ўртасидаги янги Жаҳон чемпионатида иштирок этмоқчи, “Ал-Наср” эса бу мусобақада қатнашмайди.

FIFA 1-10 июнь кунлари клублар ўртасидаги Жаҳон чемпионати вақтида махсус трансфер ойналарини очади, Роналду эса бир жамоа билан битта турнирлик шартнома имзолаш имкониятига эга бўлади.

Жорий мавсумда Роналду клуб ва терма жамоаси сафида 40 та ўйинда майдонга тушиб, 34 та гол урди ва 5 та голли узатмани амалга оширди.

Эслатиб ўтамиз, аввалроқ Роналдуга ўзбекистонлик футболчи Абдуқодир Ҳусанов тўп тепаётган Англиянинг “Манчестер Сити” қизиқиш билдираётгани хабар қилинганди.

Шунингдек, “Ал-Ҳилол” ва Американинг “Интер Майами” клублари ҳам Роналду хизматларига бефарқ эмас. Эътиборлиси, Майами клуби таркибида аргентиналик юлдуз Лионель Месси тўп тепади.


Мақола муаллифи

Теглар

Реал Криштиану Роналду Ал-Наср

Баҳолаганлар

0

Рейтинг

3

Мақолага баҳо беринг

Дўстларингиз билан улашинг