Роналду Ҳусановнинг жамоадошига айланиши мумкин

Англиянинг “Манчестер Сити” ва “Челси” клублари Португалия терма жамоаси сардори Криштиану Роналду билан шартнома имзоламоқчи. Бу ҳақда “365 scores” хабар берди.

Манбага кўра, ҳар икки клуб шу йилнинг ёзида бўлиб ўтадиган клублар ўртасидаги Жаҳон чемпионатида таркибни кучайтириш учун айни вақтда “Ал-Наср”да тўп тепаётган Криштиану Роналдуни ўз сафига қўшиб олишни режа қилган. 

Маълумот ўрнида, FIFA Европанинг мазкур турнирда иштирок этувчи клубларига 1 ойлик турнир учун 6 тагача трансферни амалга оширишга рухсат берди. Шу сабаб билан Роналду Месси тўп тепаётган “Интер Майами”га ҳам ўтиши мумкинлиги ҳақида миш-мишлар тарқалган эди. Шунингдек, Мадриднинг “Реал” клуби мухлислари ҳам жамоа раҳбари Флорентино Пересдан Роналду трансферини талаб қилгани ҳақидаги хабарлар ҳам интернетга сиздирилди.

Қайд этиш жоиз, агар Роналду “Манчестер Сити”га ўтадиган бўлса, ҳимоячи Абдуқодир Ҳусанов Криштиану Роналду билан ўйнаган ўзбекистонлик футболчилар қаторига қўшилади.