Ronaldu Husanovning jamoadoshiga aylanishi mumkin
Sport
−
31 mart
43058Angliyaning “Manchester Siti” va “Chelsi” klublari Portugaliya terma jamoasi sardori Krishtianu Ronaldu bilan shartnoma imzolamoqchi. Bu haqda “365 scores” xabar berdi.
Manbaga ko‘ra, har ikki klub shu yilning yozida bo‘lib o‘tadigan klublar o‘rtasidagi Jahon chempionatida tarkibni kuchaytirish uchun ayni vaqtda “Al-Nasr”da to‘p tepayotgan Krishtianu Ronalduni o‘z safiga qo‘shib olishni reja qilgan.
Ma’lumot o‘rnida, FIFA Yevropaning mazkur turnirda ishtirok etuvchi klublariga 1 oylik turnir uchun 6 tagacha transferni amalga oshirishga ruxsat berdi. Shu sabab bilan Ronaldu Messi to‘p tepayotgan “Inter Mayami”ga ham o‘tishi mumkinligi haqida mish-mishlar tarqalgan edi. Shuningdek, Madridning “Real” klubi muxlislari ham jamoa rahbari Florentino Peresdan Ronaldu transferini talab qilgani haqidagi xabarlar ham internetga sizdirildi.
Qayd etish joiz, agar Ronaldu “Manchester Siti”ga o‘tadigan bo‘lsa, himoyachi Abduqodir Husanov Krishtianu Ronaldu bilan o‘ynagan o‘zbekistonlik futbolchilar qatoriga qo‘shiladi.
LiveBarchasi