Ronaldu sobiq klubiga qaytishi mumkin
Sport
−
01 aprel
4585“Al-Nasr” klubining portugaliyalik hujumchisi Krishtianu Ronaldu “Real”ga qaytishi mumkin. Bu haqda “Sky Sports” xabar berdi.
40 yoshli portugaliyalik futbolchi “Al-Nasr” bilan ushbu mavsum yakunida tugaydigan shartnomasini uzaytirmaslik imkoniyatini ko‘rib chiqmoqda. Ronaldu 2025 yilda klublar o‘rtasidagi yangi Jahon chempionatida ishtirok etmoqchi, “Al-Nasr” esa bu musobaqada qatnashmaydi.
FIFA 1-10 iyun kunlari klublar o‘rtasidagi Jahon chempionati vaqtida maxsus transfer oynalarini ochadi, Ronaldu esa bir jamoa bilan bitta turnirlik shartnoma imzolash imkoniyatiga ega bo‘ladi.
Joriy mavsumda Ronaldu klub va terma jamoasi safida 40 ta o‘yinda maydonga tushib, 34 ta gol urdi va 5 ta golli uzatmani amalga oshirdi.
Eslatib o‘tamiz, avvalroq Ronalduga o‘zbekistonlik futbolchi Abduqodir Husanov to‘p tepayotgan Angliyaning “Manchester Siti” qiziqish bildirayotgani xabar qilingandi.
Shuningdek, “Al-Hilol” va Amerikaning “Inter Mayami” klublari ham Ronaldu xizmatlariga befarq emas. E’tiborlisi, Mayami klubi tarkibida argentinalik yulduz Lionel Messi to‘p tepadi.
LiveBarchasi
Trenddagilar

