“Реал” Куртуага Туркиядан ўринбосар топди

Мадриднинг “Реал” клуби узоқ муддатда Тибо Куртуанинг ўрнини боса оладиган дарвозабон қидирмоқда. Андрей Луниннинг шартномаси билан боғлиқ вазиятни инобатга олган мадридликлар эътиборини Туркия Суперлигаси ва “Трабзонспор” дарвозабони Онуралп Чевикканга қаратди. Бу ҳақда “Planeta Real Madrid” хабар берди.

Жорий мавсумда “Реал Мадрид”да асосий дарвозабон вазифасини Андрей Лунин ва Кепа Арризабалага бўлишиб турибди, Тибо Куртуа эса жароҳатлар туфайли майдонга тушмаяпти, бироқ айнан бельгиялик дарвозабон Мадрид клубининг кейинги мавсумлар учун асосий номзоди бўлиб қолмоқда.

Манбага кўра, испан гранди Куртуанинг ёшини инобатга олиб, Тибо учун узоқ муддатга ўринбосар қидирмоқда. Луниннинг шартномаси 2025 йилнинг ёзида тугайди. Шу билан бирга, Кепа клубда қолиш имкониятига эга эмас ва ёзда у 2023 йилнинг августида у “Челси”га қайтади.

“Реал Мадрид” ўз эътиборини “Трабзонспор”нинг 18 ёшли дарвозабони Чевикканга қаратди.

“У турк клубининг олмосига айланиб, истиқболли футболчига айланади”, дейилади манба хабарида.

Қайд этилишича, мадридликлар уни қўлга киритиш учун ҳаракатларни бошлаб юборган. Чевиккан трансфери таркибни муваффақиятли ёшартириш йўлидаги яна бир қадам сифатида кўрилмоқда.