“Реал” Анчелоттининг кетишини расман эълон қилди

Мадриднинг “Реал” клуби бош мураббий Карло Анчелоттининг жамоани тарк этишини расман эълон қилди. Бу ҳақда клуб расмий сайти орқали хабар берилди.

“Карло Анчелотти ҳар доим “Реал” оиласининг бир қисми бўлиб қолади. Биз у билан фахрланамиз – у нафақат бизга улкан ютуқлар олиб келди, балки клубимиз қадриятларини ҳам муносиб ифодалади”, дейди клуб президенти Флорентино Перес.

Маълумот учун, Анчелотти “Реал”да 2013-2015 йилларда ишлаган, сўнг 2021 йилда жамоага қайтган ва бу даврда клуб билан жами 11 та соврин қўлга киритган. Жорий мавсумда эса “Реал” фақат UEFA Суперкубоги ва Бутунжаҳон клублар ўртасидаги кубокнигина ютди.

Италиялик мутахассис ўрнига “Реал”ни испаниялик Хаби Алонсо бошқариши кутилмоқда. У 9 май куни Леверкузенга тегишли “Байер” клубидан кетишини эълон қилган.

Эртага, 24 май куни “Сантьяго Бернабео ” стадионида Анчелотти “Реал Соседад”га қарши охирги ўйинини мураббий сифатида ўтказади – бу Испания чемпионатининг сўнгги тури бўлади.

Бунгача эса Карло Анчелоттининг навбатдаги манзили Бразилия терма жамоаси бўлиши ойдинлашганди.