“Реал” афсонавий футболчисини сотмоқчи
Спорт
−
07 Ноябрь 11086
Мадриднинг “Реал” клуби испаниялик футболчи Лукас Васкесни сотиш имкониятини кўриб чиқмоқда. Бу ҳақда “Fichajes” хабар берди.
Манбага кўра, “қироллик клуби” тарбияланувчиси бўлган ва 2015 йилдан буён катталар жамоасида тўп сураётган 33 ёшли футболчига мавсум давомида бошқа жамоалардан бир нечта таклифлар тушган.
Жорий мавсумда Лукас Васкес клуб миқёсида 13 та ўйин ўтказиб, 2 та гол ва 1 та голли узатмага муаллифлик қилди. “Transfermarkt” портали унинг нархини 4 миллион еврога баҳоламоқда. У “Реал” билан 5 марта Европа Чемпионлар лигаси, 3 марта клублар ўртасидаги Жаҳон чемпионати, 1 марта Испания кубоги, 4 марта Испания чемпионати ва UEFA Суперкубоги бош совринини қўлга киритган.
Эслатиб ўтамиз, аввалроқ “Реал” 2 та трансфер ойнасида ҳам фаол бўлиши ва “Ливепуль” аъзоси Трент Александр-Арнольдни ўз сафига қўшиб олмоқчи эканлиги хабар қилинганди.
